٧‏/٥‏/٢٠٠٥

عونك رجع يا لبنان

كلمات الدكتور دريد بشرّاوي

عونك رجع يا لبنان      تيدمّر عهد الطغيان
عونك رجع يا لبنان      رجع تيعلّي البنيان

رجع من عتم الغربة      من بَعد ليالي الصعبة
رجع بكل محبة      يلاقي شعبك يا لبنان

       رجع عونك يا لبنان

رجع مجد القضية      حامل معو الحرية
اسمو صاير غنية      حكاية سطّرها الزمان

رجع تيكمّل دربو      ويتفيّا بأرزة ربو
رجع تيضم بقلبو      كل ولادك يا لبنان

        رجع مجدك يا لبنان

ضميرو دوم يقودو      ويوم الحقيقة عيدو
الحق تعمّد بوجودو      صوتو صارخ في الوديان.

الحقيقة سيف بايدو      وغير الحق ما يريدو
يا ربي صحة تزيدو      تيبقى العلم عليان

        رجع حقك يا لبنان
        بقوة وعزم وإيمان

ايمانو بالحرية      الحقيقة والقضية
باقي صرخة مدوّية      تيرجّع حق الإنسان

عونك رجع يا لبنان      تيفجّر نار البركان
رجع من بعد الحرمان      يعطي الحرية قربان

        عونك رجع يا لبنان

     راجع راجع، برجو شامخ
     راجع راجع، فكرو راسخ
     راجع راجع، منّو راضخ
     ومجدو بالعالي عنوان

عونك رجع يا لبنان      وبايدو وردة نيسان

اللبناني حلمو راجع      حقيقة سيفها قاطع
عرس وفرحة ومدامع      لاقوا رجوع القبطان

جينا بفرحة تنلاقيك      نبوس جبينك ونحيّك
نحنا بالروح منفديك      يا رسالة حب وأمان

        حلمك رجع يا لبنان

كفانا حرب وتدمير      كفانا قهر وتعتير
ما بدنا بقى تهجير      كفانا نحمل صلبان

يا ربي يا قدير     رجّع لبنان التعمير
ما بدنا علينا أمير      الاّ عونك يا لبنان

        راجع جيشك يا لبنان.

يطوّل عمرك يا قائد      تتبقى للوحدة رائد
لبنان بعزمك صامد      ما همو سيف العدوان

        رجع عونك يا لبنان
        باقي الك ملو الزمان

ليست هناك تعليقات: